SQB Mobile ilovasida yangi imkoniyatlar

Hurmatli mijozlar!

SQB Mobile mobil ilovasi yangilandi. Endi kundalik moliyaviy operatsiyalarni amalga oshirish yanada qulay, tez va oson.

Ilovaning yangi talqinida:

• Alipay orqali QR-kod yordamida to‘lov
  Endi Alipay tizimini qo‘llab-quvvatlovchi savdo nuqtalarida xaridlar uchun SQB Mobile ilovasi orqali, boshqa ilovalardan foydalanmasdan to‘lov qilish mumkin.
• Yopilgan kreditlar tarixi
  Ilovada barcha yopilgan kreditlar haqidagi ma’lumotlarni jamlagan yagona bo‘lim yaratildi. Unda kreditlarga oid hujjatlarni, jumladan, ofertalar va sug‘urta polislarini istalgan vaqtda yuklab olish mumkin.
• Ipoteka uchun onlayn ariza
  Endi arizani dastlabki tekshirish va uning Bank talablariga muvofiqligini baholash masofadan amalga oshiriladi. Arizani Bank ofisiga bormasdan, istalgan vaqtda topshirish mumkin.
• Eshitish va nutqida nuqsoni bo‘lgan mijozlar uchun videoqo‘llab-quvvatlash
  “Chegaralarsiz bank” loyihasi doirasida ilovada maxsus videoqo‘llab-quvvatlash xizmati ishga tushirildi. Bu bank xizmatlaridan har bir mijoz foydalanishi uchun yanada qulay sharoit yaratadi.
• Yangilangan interfeys va yuqori samaradorlik
  QR-kod skaneri hamda rekvizitlar bo‘yicha to‘lov bo‘limining dizayni yangilandi. Shuningdek, ilovaning ishlash tezligi va barqarorligi oshirildi.

SQB Mobile ilovasini yangilang va yangi imkoniyatlardan hoziroq foydalaning!

Orqaga qaytish

315

Boshqa yangiliklar