“O‘zsanoatqurilishbank” ATB rasmiy munosabati

Ijtimoiy tarmoqlarda “SQB Mobile” mobil ilovasi orqali amalga oshirilayotgan kartalararo o‘tkazmalar shartlari bo‘yicha bildirilgan e’tirozlar yuzasidan quyidagilar ma’lum qilinadi:

“SQB Mobile” ilovasida 5 mln. so‘mgacha bo‘lgan kartalararo o‘tkazmalarni komissiyasiz amalga oshirish imkoniyati maxsus aksiya doirasida joriy etilgan bo‘lib, ushbu aksiya 2025-yil 31-dekabrga qadar amal qilgan. Bu haqida bankning rasmiy axborot manbalari orqali oldindan axborot berilgan.

Belgilangan limitdan ortiq summadagi kartalararo o‘tkazmalar bo‘yicha esa bankning tasdiqlangan va rasmiy veb-saytida joylashtirilgan tariflarga muvofiq komissiya undirilgan. Ayni vaqtda ham kartalararo o‘tkazmalar mazkur amaldagi tariflar asosida amalga oshirilmoqda.

Shu bilan birga, bank tomonidan mijozlarga xizmat ko‘rsatish sifatini yana-da oshirish, xususan, kartalararo o‘tkazmalarni mijozlar uchun yana-da qulay va manfaatli qilishga qaratilgan yangi imkoniyatlarni joriy etish bo‘yicha ishlar olib borilmoqda. Bu boradagi yangiliklar haqida qo‘shimcha ma’lumotlar yaqin vaqt ichida bankning rasmiy aloqa kanallari orqali taqdim etiladi.

Orqaga qaytish

232

Boshqa yangiliklar