Ochiq muloqot, amaliy yechim

05.07.2025 16:43


Joriy yilning 4-iyul kuni O‘zsanoatqurilishbank boshqaruv vakillari surxondaryolik tadbirkorlar bilan uchrashuv o‘tkazdi. Unda ishlab chiqarish va xizmat ko‘rsatish sohalarida faoliyat yuritayotgan 30 dan ortiq tadbirkorlik subyektlari ishtirok etdi.

Ochiq muloqot mamlakatimizda xususiy sektorni rivojlantirish, tadbirkorlik tashabbuslarini qo‘llab-quvvatlash, hududiy iqtisodiyotda moliyaviy inklyuzivlikni ta’minlash yo‘lidagi navbatdagi amaliy qadam bo‘ldi.

Uchrashuvda tadbirkorlar tomonidan faktoring xizmatlari, imtiyozli kredit mahsulotlari va boshqa bank xizmatlari yuzasidan qator masalalar ko‘tarildi. Har bir taklif va savol jonli muhokama qilindi, yechimlar belgilab olindi, tegishli mas’ullarga aniq vazifalar yuklandi.

Xususan, qurilish materiallari sanoatini rivojlantirish, mahalliy xomashyodan samarali foydalanish va import o‘rnini bosuvchi loyihalarni qo‘llab-quvvatlash bo‘yicha yangi yo‘nalishlar belgilab olindi.

Bank rahbariyati va tadbirkorlar o‘rtasidagi bunday ochiq muloqotlar hududda ijtimoiy-iqtisodiy hayotni yaxshilash, xususan aholi bandligi va daromadini oshirishga xizmat qiladi.

Bank axborot xizmati

   

   

Boshqa yangiliklar