SQB mijozlar operatsiyalari tahlilida sun’iy intellektni qo‘llay boshladi

O‘zsanoatqurilishbank jinoiy daromadlarni legallashtirishga qarshi kurashish bo‘yicha yangi dasturiy majmuani joriy etdi. Mazkur innovasion yechim sun’iy intellekt texnologiyasiga asoslangan holda shubhali operatsiyalarni aniqlab, moliyaviy xavfsizlikni ta’minlashda muhim rol o‘ynaydi.

Dastur xo‘jalik yurituvchi subyektlarning amalga oshirayotgan operatsiyalarini ularning rasmiy faoliyat turi bilan solishtirib tahlil qiladi. U maxsus moliyaviy va lingvistik lug‘atlar asosida ishlab chiqilgan bo‘lib, hozirda tarixiy ma’lumotlarda o‘qitila boshlandi. O‘qitish yetarli darajada amalga oshirilgandan so‘ng, kelgusi davrda real vaqtda tahlil o‘tkazish imkoniyati paydo bo‘ladi.

Ushbu loyiha bankdagi ichki nazorat tizimini yana-da mustahkamlash, inson omili bilan bog‘liq xatolarni kamaytirish hamda xalqaro talablarga mos faoliyat yuritishda katta ahamiyat kasb etadi.

Aytish joiz, O‘zsanoatqurilishbank tizimida axborot texnologiyalari, raqamli xizmatlar va sun’iy intellekt yechimlarini izchil joriy etish orqali mijozlar ishonchini oshirish va bank salohiyatini mustahkamlash sa’y-harakatlari faol davom ettiriladi.

Bank axborot xizmati

Orqaga qaytish

1816

Boshqa yangiliklar