Ta’lim uchun moliyaviy ko‘mak: SQB imkoniyatlari

“O‘zsanoatqurilishbank” ATB Korporativ markazi xodimlari tomonidan “Perfect-University” MChJ oliy ta’lim muassasasi xodimlari va talabalari bilan uchrashuv tashkil etildi.

Muloqot davomida ishtirokchilarga bankning zamonaviy xizmat va mahsulotlari, shuningdek, talabalarning moliyaviy imkoniyatlarini kengaytirishga qaratilgan takliflar haqida ma’lumot berildi.

Tadbir doirasida talabalarga Visa Picture talaba kartalari taqdim etildi. Mazkur kartalar kundalik to‘lovlarni amalga oshirish hamda bank xizmatlaridan qulay foydalanish imkonini beradi.

Shuningdek, talabalarga ta’lim xarajatlarini moliyalashtirishda muhim moliyaviy vositalardan biri bo‘lgan ta’lim krediti bo‘yicha batafsil tushuntirishlar berildi. Xususan, kreditni ajratish shartlari, rasmiylashtirish tartibi va undan foydalanish imkoniyatlari haqida ma’lumot taqdim etildi.

Ta’lim krediti O‘zbekiston Respublikasi Markaziy bankining asosiy stavkasi – 14 foiz miqdorida ajratilishi qayd etildi.

Uchrashuvda xotin-qizlar uchun ta’lim krediti bo‘yicha foiz to‘lovlari hukumatimiz tomonidan moliyalashtirilishi ham alohida ta’kidlandi. Mazkur imkoniyat xotin-qizlarning oliy ta’lim olish bilan bog‘liq xarajatlarini moliyalashtirishda qo‘shimcha qulaylik yaratadi.

Tadbir yakunida talabalar va muassasa xodimlari bank mutaxassislariga o‘zlarini qiziqtirgan savollar bilan murojaat qilib, bank xizmatlari va ta’lim krediti yuzasidan batafsil javoblar oldilar.

Orqaga qaytish

95

Boshqa yangiliklar