White gold

Kreditlash maqsadlari:

• paxta xomashyosini yetishtirish xarajatlarini moliyalashtirish;
• paxta xomashyosini yig‘im-terim qilish xarajatlarini moliyalashtirish;
• paxta xomashyosini xarid qilish bo‘yicha yakuniy hisob-kitob va uni terish xarajatlarini moliyalashtirish.

Mazkur maqsadlar uchun ajratiladigan kreditlar aylanma mablag‘larni to‘ldirish uchun ajratilgan kreditlar deb hisoblanmaydi.

Valyuta:

Milliy valyuta va xorijiy valyutada.

Kredit muddati, qaytarish grafigi va davriyligi:

1. Paxta-to‘qimachilik klasterlari uchun

O‘zbekiston Respublikasi Iqtisodiyot va moliya vazirligi huzuridagi Qishloq xo‘jaligini davlat tomonidan qo‘llab-quvvatlash jamg‘armasidan (keyingi o‘rinlarda – Jamg‘arma) mablag‘lari, Bankning o‘z va/yoki jalb qilingan mablag‘lari hisobidan:

• Paxta xomashyosini yetishtirish xarajatlari uchun 18 oygacha, shu jumladan 12 oygacha imtiyozli davr va kredit asosiy qarzi oxirgi 6 oy davomida teng ulushlarda qaytarish sharti bilan,
• Paxta xomashyosini yig‘im -terim xarajatlarini moliyalashtirish uchun 12 oyga, 3 oygacha imtiyozli davr va kredit asosiy qarzi oxirgi 9 oy davomida teng ulushlarda qaytarish sharti bilan,
• Paxta xomashyosini xarid qilishning yakuniy hisob-kitobi va terimini moliyalashtirish uchun 12 oygacha, shu jumladan 6 oygacha imtiyozli davr va kredit asosiy qarzi oxirgi 6 oy davomida teng ulushlarda qaytarish sharti bilan.

2. To‘qimachilik mahsulotlari ishlab chiqarishni yo‘lga qo‘ygan korxonalar uchun

Jamg‘arma mablag‘lari, Bankning o‘z va / yoki jalb qilingan mablag‘lari hisobidan:

• paxta xomashyosini xarid qilishning yakuniy hisob-kitobi va terimini moliyalashtirish uchun 12 oygacha, shu jumladan 6 oygacha imtiyozli davr va kredit asosiy qarzi oxirgi 6 oy davomida teng ulushlarda qaytarish sharti bilan. 

3. Fermer xo‘jaliklari va boshqa qishloq xo‘jaligi subyektlari uchun

Jamg‘arma mablag‘lari, Bankning o‘z va/yoki jalb qilingan mablag‘lari hisobidan:

• Paxta xomashyosini yetishtirish xarajatlari uchun 14 oygacha, shu jumladan 12 oygacha imtiyozli davr va kredit asosiy qarzi qolgan oylar davomida teng ulushlarda qaytarish sharti bilan,
• Paxta xomashyosini yig‘im-terim xarajatlarini moliyalashtirish uchun 4 oygacha, imtiyozli davrsiz asosiy qarzni teng ulushlarda qaytarish sharti bilan. Urug‘chilik xo‘jaliklari bundan mustasno.

4. Urug‘chilik xo‘jaliklarining paxta yig‘im-terim xarajatlarini moliyalashtirish uchun

Jamg‘arma mablag‘lari, Bankning o‘z va/yoki jalb qilingan mablag‘lari hisobidan:

• 3 oy muddatgacha imtiyozli davrsiz asosiy qarzni teng ulushlarda qaytarish sharti bilan. 

Izoh: kelgusida kredit muddati, qaytarish grafigi va davriyligi Bank va Jamg‘arma o‘rtasida tuziladigan Bosh bitimga muvofiq belgilanishi yoki jalb qilingan mablag‘lar shartlariga qarab o‘zgartirilishi mumkin.

Foiz stavkasi:

2. Jamg‘arma mablag‘lari hisobidan — barcha xo‘jalik yurituvchi subyektlar uchun:
Paxta xomashyosini yetishtirish va yig‘im-terim xarajatlarini moliyalashtirish uchun – 10 foizda.

3. Bankning o‘z va/yoki jalb qilingan mablag‘lari hisobidan:
Paxta xomashyosini yetishtirish, yig‘im-terimi va paxta xom ashyosini xarid qilishning yakuniy hisob-kitobi va terimi xarajatlarini moliyalashtirish uchun: foiz miqdori “O‘zsanoatqurilishbank” ATB tizimida ajratiladigan kredit, faktoring va lizing operatsiyalari bo‘yicha minimal narxlash hamda foiz stavkalarini shakllantirish tartibiga muvofiq belgilanadi

Kredit miqdori:

1. Paxta-to‘qimachilik klasterlari hamda to‘qimachilik mahsulotlari ishlab chiqarishni yo‘lga qo‘ygan korxonalar uchun

Jamg‘arma mablag‘lari hisobidan:

• paxta xomashyosini yetishtirish xarajatlarini moliyalashtirish uchun paxta xomashyosi qiymatining 60 foizigacha miqdorida;
• paxta xomashyosini yig‘im-terim xarajatlarini moliyalashtirish uchun paxta xomashyosi qiymatining 30 foizigacha miqdorida;
• paxta xomashyosini xarid qilishning yakuniy hisob-kitobi va terimi uchun paxta xomashyosi qiymatining 60 foizigacha yoki 100 foizigacha miqdorda.

2. Paxta-to‘qimachilik klasterlari hamda to‘qimachilik mahsulotlari ishlab chiqarishni yo‘lga qo‘ygan korxonalar uchun

Bankning o‘z va / yoki jalb qilingan mablag‘lari hisobidan:

• paxta xom ashyosini xarid qilishning yakuniy hisob- kitob va terimi uchun kredit miqdori paxta-to‘qimachilik klasterlari (to‘qimachilik mahsulotlari ishlab chiqarishni yo‘lga qo‘ygan korxonalar) va paxta xomashyosi yetkazib beruvchi fermer xo‘jaliklari (paxta yetishtiruvchilar va boshqalar) o‘rtasida paxta xomashyosini yetkazib berish bo‘yicha tuziladigan f’yuchers, forvard va spot shartnomalarining biri yoki barchasining umumiy qiymatidan oshmagan miqdorda bo‘lishi lozim

3. Paxta xomashyosini yetishtiruvchilar, boshqa qishloq xo‘jaligi korxonalari va urug‘chilik xo‘jaliklari uchun

Jamg‘arma mablag‘lari hisobidan:

• paxta xomashyosini yetishtirish xarajatlarini moliyalashtirish uchun paxta xom ashyosi qiymatining 60 foizigacha miqdorida;
• paxta xomashyosini yig‘im-terim xarajatlarini moliyalashtirish uchun paxta xomashyosi yalpi (urug‘chilik xo‘jaliklari uchun paxta xomashyosi) qiymatining 30 foizigacha miqdorida.

Bankning o‘z va / yoki jalb qilingan mablag‘lari hisobidan:

• paxta xomashyosini yetishtirish, paxta xomashyosini yig‘im-terim xarajatlarini moliyalshtirish uchun kredit miqdori mijoz arizasiga asosan belgilanadi.

Kredit ta’minoti:

Jamg‘arma mablag‘lari, Bankning o‘z va/yoki jalb qilingan mablag‘lari hisobidan.

1. Paxta-to‘qimachilik klasterlari uchun

Paxta-to‘qimachilik klasterlari, to‘qimachilik mahsulotlari ishlab chiqarishni yo‘lga qo‘ygan korxonalar hamda korporativ va o‘rta biznes segmentlariga kiruvchi agrosanoat korxonalari uchun:

• paxta xomashyosini yetishtirish xarajatlarini moliyalashtirish uchun ajratiladigan kredit mablag‘lari ta’minoti sifatida kredit ta’minotining kamida 50 foizi miqdorida mol-mulk garovi qabul qilinadi;
• paxta xomashyosi yig‘im-terim xarajatlarini moliyalashtirish uchun ajratiladigan kredit mablag‘lari ta’minoti sifatida kredit ta’minotining kamida 25 foizi miqdorida mol-mulk garovi qabul qilinadi;
• paxta xomashyosini xarid qilishning yakuniy hisob-kitobi va terimi xarajatlarini moliyalashtirish Mulkiy ta’minot uchun ajratiladigan kredit mablag‘lari ta’minoti sifatida kredit ta’minotining kamida 25 foizi miqdorida mol-mulk garovi qabul qilinadi;
• spot shartnomasi bo‘yicha imtiyozli kredit qiymatining 50 foizi miqdorida mol-mulk garovi qabul qilinadi.

2. Paxta yetishtiruvchilar va urug‘chilik xo‘jaliklari uchun

Mikro va kichik biznes subyektlariga kiruvchi paxta yetishtiruvchilar va urug‘chilik xo‘jaliklari uchun Jamg‘arma mablag‘lari, Bankning o‘z va/yoki jalb qilingan mablag‘lari hisobidan:

• paxta xomashyosini yetishtirish va yig‘im-terim qilish xarajatlarini moliyalashtirishda kredit summasining kamida 125 foizi miqdorida mol-mulk garovi qabul qilinadi.

Garov ta’minoti:

Mol-mulk: ko‘char va ko‘chmas mulklar, bino va inshootlar, turar joylar, transport vositalari, maxsus texnikalar, uskunalar, qishloq xo‘jaligiga mo‘ljallangan yer uchastkalariga bo‘lgan ijara huquqi hamda tovar-moddiy boyliklar.

Mol-mulkka qo‘yiladigan talablar “O‘zsanoatqurilishbank” ATB tizimida amal qiluvchi Kredit siyosati va kredit ta’minoti bilan ishlash tartibiga muvofiq belgilanadi.

Jami kredit ta’minotining mol-mulk garovi bilan ta’minlanmagan qolgan qismi uchun quyidagilar garov ta’minoti sifatida qabul qilinishi mumkin:

• moliyaviy barqaror uchinchi shaxslarning kafilligi;
• sug‘urta kompaniyasining kredit qaytmasligi xatarini qoplash bo‘yicha sug‘urta polisi;
• qarz oluvchining bo‘lajak hosili sug‘urta qilinganligini tasdiqlovchi sug‘urta polisi.

Nomulkiy ta’minot:

O‘zbekiston Respublikasi Prezidentining 2024-yil 22-iyuldagi “Paxtachilik sohasi korxonalarining iqtisodiy-moliyaviy holatini yaxshilashga oid chora-tadbirlar to‘g‘risida”gi PF-103-son Farmoniga muvofiq, 2024-yil 1-avgustdan boshlab Jamg‘arma kredit resurslari hisobidan tijorat banklari tomonidan ajratiladigan kreditlar bo‘yicha klasterlar ta’sischilarining shaxsiy kafilligi qo‘shimcha ravishda rasmiylashtiriladi.

Korxona kafilligi ta’minot sifatida taqdim etilganda quyidagi talablarga rioya qilinishi kerak:

• kafil korxona davlat ro‘yxatidan o‘tganiga bir yildan ortiq vaqt o‘tgan bo‘lishi;
• olingan kreditlar va ilgari taqdim etilgan kafilliklar bo‘yicha SQB tizimida muddati o‘tgan kredit qarzdorligi mavjud bo‘lmasligi;
• kafillik summasi kafil korxonaning qisqa muddatli aktivlari va qisqa muddatli majburiyatlari o‘rtasidagi farq sifatida hisoblanadigan aylanma kapitali qiymatidan 1 barobardan oshmasligi kerak. Kafilligi qo‘shimcha ta’minot sifatida olinayotgan korxonalar bundan mustasno.

Ta’minot sifatida quyidagi kafilliklar qabul qilinmaydi:

• byudjet tashkilotlarining kafilligi, boshqaruv kompaniyalariga ajratilgan kreditlar bo‘yicha mahalliy davlat hokimiyati organlari tomonidan taqdim etiladigan kafilliklar bundan mustasno;
• quyidagi shaxslarning kafilligi:
  • to‘lovga qobiliyatsiz yuridik shaxslar;
  • moliyaviy jihatdan barqaror bo‘lmagan yuridik shaxslar;
  • zarar ko‘rib ishlaydigan yoki nolikvid balansga ega bo‘lgan yuridik shaxslar;
  • doimiy pul oqimiga ega bo‘lmagan yuridik shaxslar;
  • yuridik shaxs maqomiga ega bo‘lmagan tadbirkorlik subyektlari.
• nodavlat notijorat tashkilotlarining kafilligi.

Quyidagilar bundan mustasno:

• ustav fondi yoki ustav kapitalida davlat ulushi 50 foiz va undan ortiq bo‘lgan korxonalarning kafilligi;
• kamida 125 foiz miqdorida asosiy ta’minot mavjud bo‘lib, kafillik qo‘shimcha ta’minot sifatida qabul qilinadigan holatlar;
• Bank mijozining ipoteka krediti doirasida birlamchi bozordan sotib olayotgan turar joyi yoki kvartirasiga bo‘lgan mulk huquqi davlat ro‘yxatidan o‘tkazilgunga, ya’ni garovga qo‘yilgunga qadar ko‘p qavatli turar joy quruvchisi bo‘lgan yuridik shaxsning kamida 125 foiz miqdoridagi kafilligi.

  Mazkur kafillik qo‘shimcha ta’minot sifatida qabul qilinadi. Bunda Bank va quruvchi o‘rtasida alohida hamkorlik shartnomasi tuzilgan bo‘lishi shart.