O‘zsanoatqurilishbank YETTB bilan hamkorlikda tadbirkorlar uchun seminar tashkil etdi

Joriy yilning 9-iyul kuni O‘zsanoatqurilishbank bosh ofisida Yevropa tiklanish va taraqqiyot banki (YETTB) bilan hamkorlikda savdoni moliyalashtirish mavzusida amaliy seminar tashkil etildi. Tadbirda bankning 50dan ziyod mijozlari ishtirok etdi.

Seminar davomida YETTB ekspertlari xalqaro savdo, faktoring, akkreditivlar, bank kafolati va savdoni moliyalashtirish sohasidagi eng ilg‘or amaliyotlar bilan o‘rtoqlashdi.

Shuningdek, biznesni strategik boshqarish, yangi bozorlarga chiqish va rivojlanish imkoniyatlari bo‘yicha amaliy tavsiyalar berildi.

Mazkur uchrashuv tadbirkorlar uchun faqat nazariy bilim emas, balki aniq moliyaviy yechimlar, grant dasturlari va konsalting xizmatlariga keng yo‘l ochadi.

Ta’kidlash joiz, O‘zsanoatqurilishbank tomonidan YETTB bilan hamkorlikda mamlakatimizdagi tadbirkorlik subyektlarini nafaqat moliyaviy qo‘llab-quvvatlash, balki ularning bilim va ko‘nikmalarini oshirishga hamda biznes uchun yangi imkoniyatlar eshigini ochishga qaratilgan tashabbuslarni ilgari surmoqda.

Bank kelgusida ham mazkur yo‘nalishdagi ishlarni kengaytirish, tadbirkorlik muhitini yana-da yaxshilash va mahalliy biznesni xalqaro maydonga olib chiqishni maqsad qilgan.

Bank axborot xizmati

Orqaga qaytish

354

Boshqa yangiliklar