Sirdaryo va Navoiy viloyatlarida aholi hamda tadbirkorlar ishtirokida korrupsiyaga qarshi kurashish masalalariga bagʻishlangan uchrashuvlar tashkil etildi.
Mazkur muloqotlar Prezidentimizning Oliy Majlis va xalqimizga yoʻllagan Murojaatnomasida belgilangan korrupsiyaga qarshi murosasiz kurashish hamda bank tizimida ochiqlik va shaffoflikni taʼminlash vazifalaridan kelib chiqib oʻtkazildi.
Uchrashuvlar davomida SQB faoliyatida uchrashi mumkin boʻlgan korrupsion va byurokratik toʻsiqlarni aniqlash, ularni bartaraf etish hamda xizmatlar sifatini yanada oshirish masalalari muhokama qilindi.
Tadbirlar yakunida ishtirokchilar oʻz fikr va takliflarini bildirib, bank mutaxassislaridan tegishli tushuntirishlar oldilar.
