SQB Valyuta operatsiyalari guruhi kichik menejeri lavozimiga tashqi tanlov asosida nomzodlarni taklif qiladi.

Agar siz xalqaro valyuta operatsiyalari va hujjatli tranzaksiyalar yo‘nalishida ishlash hamda professional rivojlanishni istasangiz — sizni jamoamizda kutamiz.

Asosiy vazifalar:

• Hujjatli akkreditivlar bo‘yicha operatsiyalarni qabul qilish va yuritish.

• Akkreditiv hujjatlarining UCP 600 xalqaro qoidalariga muvofiqligini tekshirish.

• To‘lov hujjatlari rekvizitlarini hamda ularning akkreditiv shartlariga muvofiqligini nazorat qilish.

• Xorijiy va mahalliy banklar bilan hujjatli tranzaksiyalar bo‘yicha yozishmalar olib borish.

• Akkreditivlar va hujjatli operatsiyalarni iABS hamda boshqa axborot tizimlarida yuritish.

• Inkasso va bank kafolatlari bo‘yicha hujjatlarni mijozlarga avizo qilish.

• TSOYEAT va boshqa tegishli tizimlarga ma’lumotlarni kiritish hamda ularning to‘g‘riligini nazorat qilish.

• Operatsion kun yakunida hujjatli operatsiyalar balansini tekshirish.

• Mijozlar va nazorat organlarining murojaatlari bo‘yicha belgilangan tartibda javoblar tayyorlash.

• Hujjatlarni arxivlash hamda Bankning ichki tartib-qoidalariga rioya qilish.

Talablar:

• Oliy iqtisodiy ma’lumot. Ayrim hollarda oliy ta’lim muassasasida tahsil olayotgan nomzodlar ham ko‘rib chiqilishi mumkin.

• Bank tizimida yoki valyuta operatsiyalari yo‘nalishidagi ish tajribasi ustunlik beradi.

• Xalqaro hujjatli operatsiyalar, akkreditivlar va bank kafolatlari bo‘yicha bilim.

• O‘zbekiston Respublikasi Markaziy bankining me’yoriy hujjatlari va valyuta qonunchiligini bilish.

• MS Office dasturlaridan erkin foydalana olish.

• Ingliz tilini bilish xalqaro banklar bilan yozishmalar olib borishda ustunlik beradi.

• Tahliliy fikrlash, mas’uliyatlilik, diqqatlilik va jamoada ishlash ko‘nikmalari.

Ish sharoitlari:

• Mehnat qonunchiligiga muvofiq rasmiy ishga qabul qilish.

• Yirik va barqaror bankda ishlash imkoniyati.

• Xalqaro bank amaliyoti va hujjatli tranzaksiyalar yo‘nalishida professional rivojlanish.

• Malaka oshirish va o‘quv dasturlarida ishtirok etish imkoniyati.

• Zamonaviy va professional jamoada ishlash.

• Raqobatbardosh ish haqi va ijtimoiy paket.

Ariza topshirish tartibi

Agar Siz ushbu lavozimga qiziqsangiz, CV (rezyume)ingizni HR@uzpsb.uz elektron pochta manziliga yuboring.

Xat mavzusida: "Valyuta operatsiyalari guruhi Kichik menejeri" deb ko‘rsatishingizni so‘raymiz.

“O‘zsanoatqurilishbank” ATB jamoasiga qo‘shiling va xalqaro bank operatsiyalarini rivojlantirishda o‘z hissangizni qo‘shing!

Orqaga qaytish

475

Boshqa yangiliklar