Ma'naviy yuksalish

Bolalar – baxtimiz-iftixorimiz, ertangi kunimizning nurli umidi!

O‘zsanoatqurilishbankda 1-iyun – Xalqaro bolalarni himoya qilish kuniga bag‘ishlangan bayram tadbiri bo‘lib o‘tdi.

1-iyun – ​​yozning boshlanishi, o‘quv yilining yakunlanishi va, eng muhimi, bolalarning huquq v manfaatlarini himoya qilishga qaratilgan xalqaro kun sifatida alohida ahamiyat kasb etadi.

Shu munosabat bilan O‘zsanoatqurilishbank tomonidan xodimlar farzandlari uchun bayramona dastur tashkil etildi.

Unga ko‘ra, dastlab kichkintoylar poytaxtimizdagi “Sky park” ko‘ngilochar maskanida attraksionlardan bahramand bo‘lib, turli o‘yin maydonchalarida vaqtini xush o‘tkazishdi.

Keyin esa ular uchun bankning “Toshkent City” xalqaro ishbilarmonlik markazi hududida joylashgan bosh ofisida qiziqarli yo‘nalishlarda mahorat darslari, interaktiv o‘yinlar hamda turli ertak qahramonlari ishtirokida shoular o‘tkazildi.

Raqsga chorlovchi kuy-qo‘shiqlar bayram shukuhini oshirgan bo‘lsa, nozu ne’matlar va shirinliklar bolajonlarning dam olish onini yana-da mazmunli qildi.

– Bolalar – baxtimiz-iftixorimiz, ertangi kunimizning nurli umidi, – deydi “O‘zsanoatqurilishbank” ATBning Xodimlar va tashkiliy rivojlantirish departamenti direktori o‘rinbosari – Birlashgan kasaba uyushmasi qo‘mitasi raisi Muhabbat G‘afurova. – Mazkur tadbirni xodimlarga g‘amxo‘rlik ko‘rsatish, xususan, ularning farzandlari qalbini quvonchu shodlikka to‘ldirish va shu orqali jamoada birdamlik va fidoiylik muhitini yaratish maqsadida tashkil etdik.

Bundan tashqari, bolajonlarga Toshkent shahridagi “Ashxobod” istirohat bog‘iga chiptalar ham sovg‘a qilindi.

Bank axborot xizmati

Orqaga qaytish

241

Boshqa yangiliklar