Qarzdorliklarni undirish bo‘yicha kichik menejer

“O‘zsanoatqurilishbank” ATB Undiruv markazining Hududlarda yuridik va jismoniy shaxslarning qarzdorliklarini undirish guruhiga kichik menejer lavozimiga nomzodlarni ishga taklif qiladi.

Ish joylari

• Toshkent viloyati, Nurafshon shahri — Olmaliq BXM;
• Buxoro viloyati — Buxoro BXM;
• Sirdaryo viloyati — Sirdaryo BXM.

Ish tajribasi

Kamida 1 yil.

Asosiy vazifalar

• qarzdorliklarni undirish bo‘yicha standart va individual strategiyalarni ishlab chiqish hamda amalga oshirishda ishtirok etish;
• yuridik shaxslarning muddati o‘tgan kredit qarzdorliklarini undirish bo‘yicha ular yuzaga kelgan paytdan boshlab zarur choralarni ko‘rish;
• qarzdorlar va garov mulki egalarining majburiyatlarni bajarishiga ko‘maklashish samaradorligini oshirish;
• qarzdorlarni kredit majburiyatlari to‘g‘risida o‘z vaqtida ogohlantirish;
• qarzdorlarga talabnoma va ogohlantirish xatlarini yuborish;
• kreditning muammoli aktivga aylanish xavfi yuzaga kelganda Bankning tegishli tarkibiy bo‘linmalariga erta ogohlantirish signallarini taqdim etish;
• muammoli qarzdorliklarni qonunchilik va kredit shartnomasi shartlariga muvofiq undirish choralarini ko‘rish;
• muddati o‘tgan qarzdorliklar ro‘yxatini shakllantirish va doimiy nazorat qilib borish;
• umidsiz deb tasniflangan muammoli aktivlar hisobini yuritish va ularni undirish choralarini ko‘rish;
• qarzdorliklarni undirish masalalari bo‘yicha Bankning boshqa tarkibiy bo‘linmalari bilan hamkorlik qilish;
• mijozlar, yuridik shaxslar, kafil va birgalikda qarz oluvchilar, shuningdek, garov mulki egalari haqidagi ma’lumotlarni bank axborot tizimlarida yangilab borish;
• garov mulki egalari va qarzdorlarga sudgacha bo‘lgan talabnomalarni yuborish;
• qarzdorlikni so‘ndirish uchun tegishli hisobvaraqlardan mablag‘larni yo‘naltirish bo‘yicha zarur bank operatsiyalarini amalga oshirish;
• Undiruv markaziga o‘tkazilgan muammoli kreditlar bo‘yicha qarzdorliklarni undirish choralarini ko‘rish;
• balansdan tashqari hisobvaraqlarda hisobga olingan kreditlar bo‘yicha ishlar holatini, jumladan sud jarayonlari, huquqni muhofaza qiluvchi organlar bilan hamkorlik va ijro hujjatlari holatini o‘rganish;
• Undiruv markazining yuridik xizmati va Bankning boshqa tarkibiy bo‘linmalari bilan hamkorlik qilish;
• xizmat vakolatiga kiruvchi masalalar bo‘yicha murojaatlarni ko‘rib chiqish va asoslantirilgan javoblar tayyorlash;
• muammoli kreditlar bo‘yicha sud, notarial idoralar, Majburiy ijro byurosi (MIB), sug‘urta tashkilotlari va Savdo-sanoat palatasiga taqdim etiladigan hujjatlarni tayyorlash va to‘plash;
• tegishli tashkilotlar bilan samarali hamkorlikni yo‘lga qo‘yish;
• muammoli va muammoli bo‘lishi mumkin bo‘lgan kreditlar bo‘yicha mijozlar bilan ishlash;
• qonunchilik talablariga muvofiq telefon va boshqa aloqa vositalari orqali muzokaralar olib borish hamda qarzdorliklarni undirish;
• yuridik shaxslar va qarzdorlarning manzillariga chiqib, uchrashuvlar o‘tkazish va qarzdorliklarni undirish choralarini ko‘rish.

Nomzodga qo‘yiladigan talablar

• iqtisodiy yoki yuridik yo‘nalishda oliy ma’lumot;
• yaxshi kommunikativ ko‘nikmalar;
• mijozlar bilan muzokara olib borish va konstruktiv muloqot qilish qobiliyati;
• muammoli va muddati o‘tgan qarzdorliklar bilan ishlash ko‘nikmasi;
• analitik fikrlash;
• diqqatlilik va mas’uliyatlilik;
• stressga chidamlilik va qat’iyatlilik;
• kreditlash asoslari va bank mahsulotlarini bilish;
• xizmat yuzasidan hududlarga chiqishga tayyorlik;
• hujjatlar va rasmiy yozishmalar bilan ishlash ko‘nikmasi.

Ko‘nikmalar

• muddati o‘tgan va muammoli qarzdorliklarni undirish;
• qarzdorlar va kreditga aloqador shaxslar bilan muzokaralar olib borish;
• talabnoma va boshqa hujjatlarni tayyorlash;
• sudlar, MIB, notarial idoralar va boshqa tashkilotlar bilan hamkorlik qilish;
• kredit qarzdorligini tahlil qilish;
• bank axborot tizimlarida ishlash;
• qonunchilik va Bankning ichki hujjatlari talablariga rioya qilish.

Ish sharoitlari

• “O‘zsanoatqurilishbank” ATBga rasmiy ishga qabul qilish;
• ish joyi: Toshkent viloyati, Nurafshon shahri — Olmaliq BXM; Buxoro viloyati — Buxoro BXM; Sirdaryo viloyati — Sirdaryo BXM.

Orqaga qaytish

605

Boshqa yangiliklar