Oʻzsanoatqurilishbankda tadbirkorlar bilan uchrashuv oʻtkazildi


26.07.2023 16:52

Oʻzsanoatqurilishbank tomonidan tadbirkorlar oʻrtasida qayta tiklanuvchi energiya manbalari va energiya tejovchi texnologiyalarni joriy etishni jadallashtirishga qaratilgan targʻibot tadbirlari davom ettirilmoqda. Bankning Toshkent shahri hududiy boshqarmasida boʻlib oʻtgan uchrashuvda qirqqa yaqin tadbirkorlar ishtirok etdi.

Oʻzbekistonda quyosh energiyasidan foydalanadigan texnologiyalar katta istiqbolga ega. Ulardan butun mamlakat hududida yil davomida foydalanish imkoni mavjud. Shu bois soʻnggi yillarda hukumatimiz tomonidan olib borilayotgan energetikaga oid islohotlarda mazkur yoʻnalish ustuvorlik kasb etmoqda.

Tadbirkorlar bilan muloqot chogʻida dastlab davlatimiz rahbarining joriy yil 16-fevraldagi “2023-yilda qayta tiklanuvchi energiya manbalarini va energiya tejovchi texnologiyalarni joriy etishni jadallashtirish chora-tadbirlari toʻgʻrisida”gi qarori mazmun-mohiyati, unga koʻra aholi va tadbirkorlarga berilayotgan imtiyozlar xususida soʻz yuritildi.

Muqobil energiya manbalaridan foydalanishning iqtisodiy samaradorligi aniq misollar bilan tushintirildi, bu borada bank tomonidan joriy qilingan kreditlar haqida kengroq maʼlumot berildi.

– Albatta, biznesda iqtisodiy manfaatdorlik birlamchi omil, biroq, tabiiy resurslarimiz zaxirasini asrash va atrof-muhit ifloslanishining oldini olish haqida ham oʻylashimiz zarur, – deydi tadbirkorlardan biri Farrux Turdaliyev. – Zero, ekologik muammolar inson salomatligiga jiddiy putur yetkazadi. Sogʻliq gʻamini yeyish esa, daromad koʻrishdan ustun. Shu jihatdan qaraganda, uchrashuv har tomonlama manfaatli oʻtdi. Quyosh panelini nafaqat korxonada, balki xonadonimizda ham oʻrnatish fikri tugʻildi.

Eslatib oʻtamiz, bugungi kunda bank tomonidan tadbirkorlik subyektlariga ijtimoiy va ekologik ahamiyatga ega loyihalarni moliyalashtirish uchun 5 yilgacha muddatga yillik 21 foizdan kredit mablagʻlari ajratilmoqda.

Bank Axborot xizmati





Boshqa yangiliklar

11/20/2026 05:39:16 pm
Kibergigiyena – raqamli xavfsizlik asosi

“Özsanoatqurilişbank” ATBda Ichki işlar vazirligi Kiberjinoyatlarga qarşi kuraşiş departamenti hamda “KPMG Uzbeki ...

11/19/2026 03:39:23 pm
SQB tajribasi Singapurda: Özbekiston banki xalqaro AI muloqotida

Özsanoatqurilişbank xalqaro professional hamjamiyat bilan hamkorlik va tajriba almaşiş doirasini izçil kengaytirm ...

11/19/2026 10:30:33 am
SQB kõmagida ayollar tadbirkorligini qõllab-quvvatlaş bõyiça hududiy trenerlar malakasi oşirildi

“SQB School”da ayollar tadbirkorligini qõllab-quvvatlaş dasturi (WESP) doirasida 30 nafar hududiy trener iştiroki ...


Sönggi yangilaniş sanasi: 26.07.2023 16:53  
up