Ona tilim – mangu makonim

Shu kunlarda yurtimizda o‘zbek tiliga davlat tili maqomi berilganligining 35 yilligi hamda 21-oktyabr – O‘zbek tili kuni bayrami keng nishonlanmoqda. Ushbu sana munosabati bilan O‘zsanoatqurilishbank tomonidan “Ona tilim – mangu makonim” mavzuida ma’naviy-ma’rifiy tadbir tashkil etildi.

1989-yil 21-oktyabr kuni mamlakatimizda mustaqillik sari ilk huquqiy qadam qo‘yildi, “Davlat tili haqida”gi qonun qabul qilindi.

So‘nggi yillarda esa, davlat tiliga bo‘lgan e’tibor har qachongidan kuchaydi. Prezidentimiz boshchiligida o‘zbek tilining davlat tili sifatidagi mavqeini tubdan oshirishga qaratilgan qator qonun hujjatlari qabul qilindi.

Tadbirda asrlar davomida milliy madaniyatimiz, an’ana va qadriyatlarimiz davomiyligini saqlab kelayotgan o‘zbek tilining tarixi va bugungi kunda xalqaro maydondagi nufuzi haqida so‘z yuritildi.

Bank xodimlari O‘zbekiston Yozuvchilar uyushmasi va Ma’rifat targ‘ibotchilar jamiyati a’zosi, “Shuhrat” medali sohibasi Farog‘at Hudoyqulova ijodidan she’riy parchalar hamda Teatr va kino aktyori, xushovoz xonanda Baxtiyor Ahmedov ijrosidagi kuy-qo‘shiqlardan bahramand bo‘lishdi.

Bank Axborot xizmati

Orqaga qaytish

2048

Boshqa yangiliklar