“SQB” o‘z tarixida ilk bor O‘zbekiston Superkubogini qo‘lga kiritdi


03.09.2026 06:37

Toshkent shahridagi “Humo Arena” majmuasida futzal bo‘yicha O‘zbekiston Superkubogi uchun murosasiz bahs bo‘lib o‘tdi.  Unda amaldagi chempion “BMB” hamda “SQB” jamoalari o‘zaro kuch sinashdi. Keskin va hayajonli kechgan uchrashuv yakunida “SQB” jamoasi penaltilar seriyasida g‘alaba qozonib, o‘z tarixida ilk bor O‘zbekiston Superkubogiga ega chiqdi.

DSC00083.JPG

Uchrashuvning asosiy vaqti 3:3 hisobidagi durang bilan yakunlandi. Har ikki jamoa maydonda yuqori mahorat, jismoniy tayyorgarlik va g‘alabaga bo‘lgan qat’iyatini namoyon etdi. Tomoshabinlarga keskin kurash va yorqin lahzalarni taqdim etgan bahsda g‘olibni aniqlash uchun penaltilar seriyasiga murojaat qilindi.


Hal qiluvchi pallada “SQB” darvozaboni Shavkat Ibragimov ishonchli harakatlari bilan jamoasining muvaffaqiyatiga katta hissa qo‘shdi. Penaltilar seriyasida 4:2 hisobida ustun kelgan “SQB” O‘zbekiston Superkubogi sohibiga aylandi.


Mazkur natija jamoa tarixida yangi sahifa ochdi. O‘zbekiston futzalining nufuzli sovrinlaridan birini ilk bor qo‘lga kiritish “SQB” uchun nafaqat muhim sport yutug‘i, balki jamoaning izchil rivojlanishi va yuqori natijalarga intilishining yorqin ifodasidir.

DSC05999.JPG

Ayniqsa, ushbu g‘alabaning O‘zbekiston Respublikasi davlat mustaqilligining 35 yilligi nishonlanayotgan davrda qo‘lga kiritilgani uning ahamiyatini yanada oshiradi. Sportdagi bunday yutuqlar mamlakatimizda sog‘lom turmush tarzini targ‘ib qilish, yoshlarning sportga qiziqishini kuchaytirish va milliy sport salohiyatini yuksaltirishga xizmat qiladi.


Bugun Yangi O‘zbekistonda sportni ommalashtirish, yosh avlodni jismonan sog‘lom va ma’nan barkamol etib tarbiyalash, sport infratuzilmasini rivojlantirish hamda xalqaro maydonlarda yuqori natijalarga erishish uchun keng imkoniyatlar yaratilmoqda. Bu jarayonda sport klublari va jamoalarining muvaffaqiyatlari, sportchilarning mehnati hamda jamoaviy birdamlik muhim o‘rin tutadi.

DSC09309.JPG

Mamlakatimizda futzalga bo‘lgan qiziqishning ortib borayotgani, musobaqalarning yuqori saviyada tashkil etilishi va jamoalar o‘rtasidagi raqobatning kuchayishi ushbu sport turining rivojlanishiga yangi turtki bermoqda. “Humo Arena”da kechgan Superkubok uchrashuvi ham futzalning tomoshabopligi, sportchilarning mahorati va muxlislar qiziqishini yana bir bor namoyon etdi.


“SQB” jamoasining tarixiy g‘alabasi esa kelgusidagi musobaqalar uchun muhim rag‘bat bo‘lib xizmat qiladi. Jamoa a’zolarining birdamligi, maydondagi matonati va hal qiluvchi vaziyatlarda o‘zini ko‘rsata olishi ushbu muvaffaqiyatning asosiy omillaridan bo‘ldi.


Tarixiy g‘alaba muborak, “SQB”!







Boshqa yangiliklar

11/20/2026 05:39:16 pm
Kibergigiyena – raqamli xavfsizlik asosi

“Özsanoatqurilişbank” ATBda Ichki işlar vazirligi Kiberjinoyatlarga qarşi kuraşiş departamenti hamda “KPMG Uzbeki ...

11/19/2026 03:39:23 pm
SQB tajribasi Singapurda: Özbekiston banki xalqaro AI muloqotida

Özsanoatqurilişbank xalqaro professional hamjamiyat bilan hamkorlik va tajriba almaşiş doirasini izçil kengaytirm ...

11/19/2026 10:30:33 am
SQB kõmagida ayollar tadbirkorligini qõllab-quvvatlaş bõyiça hududiy trenerlar malakasi oşirildi

“SQB School”da ayollar tadbirkorligini qõllab-quvvatlaş dasturi (WESP) doirasida 30 nafar hududiy trener iştiroki ...


Sönggi yangilaniş sanasi: 12.10.2026 11:53  
up