Yangiliklar

“Wood&Company” investitsion kompaniyasi vakillari bilan uchrashuv


06.06.2023

“Wood&Company” investitsion kompaniyasi vakillari bilan uchrashuv

Joriy yilning 5-iyun kuni O‘zsanoatqurilishbank Bosh ofisida “Wood&Company” kompaniyasi vakillari bilan uchrashuv bo‘lib o‘tdi. Sayyor tadbir kompaniya tomonidan Markaziy Osiyo mamlakatlari bo‘ylab o‘tkazilayotgan “investitsion tur” doirasida o‘zaro manfaatli institutsional hamkorlikni jadallashtirish maqsadida tashkil etildi.

Bu bilan O‘zsanoatqurilishbank “Wood&Company” tomonidan yetakchi xalqaro investitsion kompaniyalar va muassasalar ishtirokida navbatdagi uchrashuvni tashkil etgan mamlakatdagi birinchi moliya instituti bo‘ldi.

Tadbir davomida O‘zsanoatqurilishbank «HSBC AM», «Morgan Stanley» va «Consilium» investitsion bloki vakillari bilan uchrashuvlar o‘tkazdi. Unda bank tomonidan Xalqaro moliya korporatsiyasi hamda Yevropa tiklanish va taraqqiyot banki ekspertlari bilan birgalikda amalga oshirilayotgan transformatsiya ishlari, korporativ boshqaruvi tizimidagi samaradorlik hamda hisobot davridagi moliyaviy ko‘rsatkichlari xususida ma'lumot berildi. 

Uchrashuvda kompaniya vakillari O‘zbekistonda bank-moliya sektorini tubdan isloh qilishga qaratilgan islohotlarga ijobiy baho berdi. Istiqbolda mamlakatda investitsion loyihalarni ilgari surishda O‘zsanoatqurilishbank asosiy hamkor bo‘lishi ta'kidlandi. 
Ma'lumot uchun: “Wood&Company” – 1991-yilda tashkil etilgan Markaziy va Sharqiy Yevropadagi yetakchi investitsion kompaniyadir. Qarorgohi Praga shahrida joylashgan.

Tashkilot Markaziy va Sharqiy Yevropada aktsiyalar bitimi bo‘yicha yetakchi hisoblanib, mintaqada eng muhim investitsion bank amaliyotlarini bajaradi. 

                                                                                                                                                                                                                                                                                                        Bank Axborot xizmati





Boshqa yangiliklar

09/21/2023 11:11:58 pm
Jahon banki “yashil” loyihalarga texnik koʻmaklashadi

Joriy yilning 21-sentyabr kuni Oʻzsanoatqurilishbank Bosh ofisida Jahon banki vakillari bilan uchrashuv boʻlib oʻtdi. ...

09/20/2023 10:59:05 am
Oʻzsanoatqurilishbank – ipakchilar hamkori

Tabiiy ipak – yengil sanoatdagi eng qimmatbaho xom ashyolardan biri. Undan tayyorlanadigan matolar ...

09/18/2023 04:52:25 pm
Oʻzsanoatqurilishbank – toza ekologiya tarafdori

16-sentyabr – Butunjahon tozalik kunida Oʻzsanoatqurilishbank xodimlari dunyo koʻngillilari bilan birgalikda gl ...


Oxirgi yangilanish sanasi: 06.06.2023 15:18  
up