SQB'da favqulodda vaziyatlarda evakuatsiya qilish bo‘yicha o‘quv seminari va amaliy mashg‘ulotlar

Joriy yilning 3-mart kuni O‘zsanoatqurilishbank (SQB) Bosh ofisida favqulodda vaziyatlarda (zilzila, yong‘in) xodimlarni xavfsizlik qoidalariga rioya qilgan holda evakuatsiya qilish mavzuida o‘quv seminari o‘tkazildi.

Mashg‘ulotlar davomida bank xodimlari uchun favqulodda vaziyatlarda birinchi yordam ko‘rsatish, evakuatsiya marhalalari, xavfsizlik yo‘llarini belgilash, zarur uskunalarni ishlatish kabi mavzularda nazariy bilimlar berilgan edi.

Bugun, 14-mart kuni O‘zbekiston Respublikasi Favqulodda vaziyatlar vazirligi tomonidan zilzila vaqti yoki yong‘in chiqqanda xodimlarni bank binosidan evakuatsiya qilish mavzusida amaliy mashg‘ulot o‘tkazildi.

Bunda binodan chiqishda evakuatsiya qilishning asosiy va zaxira yo‘llari, favqulodda vaziyatlar uchun maxsus qurilmalardan foydalanish kabi yo‘nalishlarda ko‘rsatmalar berildi.

Mashg‘ulotlarda bank xodimlari bilan birga, favqulodda vaziyatlar xizmatchilari ham qatnashib, tizimli va samarali evakuatsiyaning muhim jihatlarini namoyish etdi.

Ta’kidlanganidek, mazkur amaliy mashg‘ulotlar hamda o‘quv seminarlari xodimlarning xavfsizlikka bo‘lgan munosabatini mustahkamlash va favqulodda vaziyatlarda tez va xavfsiz harakat qilishga imkon beradi.

Bank axborot xizmati

Orqaga qaytish

1688

Boshqa yangiliklar