Bank va taʼlim sohasidagi hamkorlik kengaytirilmoqda

Oʻzsanoatqurilishbank hamda Mirzo Ulugʻbek nomli Oʻzbekiston milliy universiteti vakillari oʻrtasida taʼlim sohasidagi hamkorlikni kengaytirish yuzasidan uchrashuv oʻtkazildi.

Oʻzsanoatqurilishbank tizimida axborot-kommunikatsiya texnologiyalaridan keng foydalanish, IT infratuzilmasini mustahkamlash, sunʼiy intellekt texnologiyalarini rivojlantirish hamda internet va mobil banking xizmatlarini takomillashtirishga katta eʼtibor qaratilmoqda.

Shu maqsadda soʻnggi yillarda Oʻzbekiston milliy universiteti bilan bank sohasiga oid innovatsion loyihalarni ishlab chiqish, biznes jarayonlar va boshqaruv sifatini oshirish hamda optimallashtirishga qaratilgan kelishuv imzolangan. Oliygoh qoshida bankning “Kiberxavfsizlik” laboratoriyasi tashkil etilgan.

Uchrashuvda Oʻzbekiston Milliy universiteti rektori Inom Majidov hamda“Oʻzsanoatqurilishbank” ATB Boshqaruv raisining birinchi oʻrinbosari Anvar Ergashev amaldagi hamkorlikni yanada rivojlantirish boʻyicha fikr almashdi.

Bank tizimida raqamli texnologiyalarni keng joriy etish, sunʼiy intellekt texnologiyalarini rivojlantirish, tahliliy, kiberxavfsizlik va dasturiy taʼminotlar yaratish boʻyicha malakali kadrlar tayyorlash masalalari muhokama qilindi.

“Kiberxavfsizlik” laboratoriyasini yanada boyitish, iqtidorli talabalar uchun bank stipendiyasini taʼsis etish, bank tomonidan talabalarning startap loyihalarini qoʻllab-qoʻvvatlash, matematika, kiberxavfsizlik va dasturlash boʻyicha olimpiadalar tashkil qilishga kelishib olindi.

Bank Axborot xizmati

Orqaga qaytish

1576

Boshqa yangiliklar