“Fitch Ratings” Oʻzsanoatqurilishbank reytingini tasdiqladi

“Fitch Ratings” xalqaro reyting kompaniyasi Oʻzsanoatqurilishbankning uzoq muddatli kredit reytingini barqaror prognozi bilan “BB-” darajasida tasdiqladi.

Agentlik xabariga koʻra, bankning kredit reytingi barqaror biznes profili, yetarli moliyalashtirish pozitsiyasi va kapitalining yetarliligi darajasi bilan belgilanadi.

Xalqaro tahlilchilar bankning hisobot sanasiga koʻra, Oʻzbekiston banklari orasida aktivlari hajmi boʻyicha ikkinchi, kapital boʻyicha esa, uchinchi oʻrinni egallab turgan mustahkam bozor pozitsiyalarini qayd etdi.

“Barqaror”lik prognozi 12-18 oylik istiqbolda reytingning oʻzgarmasligini anglatadi.

Bugungi kunda Oʻzsanoatqurilishbank respublikaning ikkinchi yirik banki boʻlib, asosiy strategik sohalarda kuchli korporativ mijozlar bazasiga ega.

Xususiylashtirishdan oldingi tayyorgarlik doirasida Bank kreditlash blokini (ayniqsa, kichik va oʻrta biznes hamda chakana savdo sohasida) rivojlantirish va korporativ boshqaruv infratuzilmasini yaxshilash maqsadida ichki tizimni isloh qilish boʻyicha keng qamrovli ishlarni amalga oshirdi.

Hozirda ham muassasa Oʻzbekistonda oʻz biznes mavqeini mustahkamlashda faol davom etmoqda.

Bank Axborot xizmati

Orqaga qaytish

1694

Boshqa yangiliklar