Yangiliklar

Navoiy va Bobur shaxsiga ehtirom


09.02.2024

O‘zsanoatqurilishbank tomonidan buyuk mutafakkirlar, so‘z mulkining sultoni Alisher Navoiy hamda shoh va shoir Zahiriddin Muhammad Bobur tavalludi munosabati bilan ma’naviy tadbir tashkil etildi. Unda O‘zbekiston Yozuvchilar uyushmasi hamda Respublika Ma’naviyat va ma’rifat targ‘iboti guruhi a’zosi, “Tong yulduzi” gazetasi bo‘lim muharriri Axtamquli Karimov ishtirok etdi.

Prezidentimiz raisligida 2023-yil 22-dekabrda o‘tkazilgan Respublika Ma’naviyat va ma’rifat kengashining kengaytirilgan yig‘ilishida ma’naviyat boshqa sohalardan o‘n qadam oldinda yurishi, ma’naviyat yangi kuchga, yangi harakatga aylanishi kerakligi ta’kidlandi. Boy madaniy merosimizni xalqimiz va jahonga keng tanishtirish ishlarini yangi bosqichga ko‘tarishga qaratilgan ustuvor vazifalar belgilandi.

“Bir asrning ikki dahosi” shiori ostida o‘tkazilgan ma’naviy tadbirda Navoiy va Bobur ilmiy-ijodiy merosining milliy davlatchiligimiz va xalqimiz ma’naviy tafakkurining shakllanishida tutgan o‘rni haqida so‘z yuritildi.

– Xususan, Alisher Navoiy ijodida vatanparvarlik, komil inson tarbiyasi, odob-axloq mezonlari bilan birga, farovon jamiyat, adolatli boshqaruv g‘oyalari aks etgan bo‘lsa, Zahiriddin Muhammad Bobur asarlarida saltanatni idora etishda xalq xohish-irodasini inobatga olish, ularning manfaatlarini ko‘zlab ish tutish alohida urg‘ulangan, – deydi O‘zbekiston Yozuvchilar uyushmasi hamda Respublika Ma’naviyat va ma’rifat targ‘iboti guruhi a’zosi, “Tong yulduzi” gazetasi bo‘lim muharriri Axtamquli Karimov. – Shu jihatdan ushbu ikki buyuk alloma asarlaridagi milliy va umuminsoniy g‘oyalar bugungi kunda yurtimizda olib borilayotgan xalqparvar siyosatga mafkuraviy asos ekanligini qayd etish joiz.

Tadbirda so‘z olganlar, shuningdek Navoiy hamda Boburning hayoti va ijodi hamisha xalqimiz uchun yaratuvchanlik borasida shaxsiy ibrat bo‘lishini ta’kidladi.

 

Bank Axborot xizmati





Boshqa yangiliklar

03/01/2024 11:12:19 am
“S&P Global Ratings”: O‘zsanoatqurilishbank kredit reytingi “Barqaror”

“S&P Global Ratings” xalqaro reyting agentligi O‘zsanoatqurilishbank kredit reytingi mamlakatning “BB-” suv ...

02/29/2024 05:27:48 pm
Tadbirkorlar eksport xarajatlarining 50 foizigacha qoplab beriladi

Oʻzsanoatqurilishbank tomonidan Oʻzsanoatqurilishmateriallari uyushmasi hamda mahalliy davlat hokimiyati organlari bilan ...

02/29/2024 03:14:11 pm
O‘zsanoatqurilishbank Customer Experience Index reytingida yetakchi deb topildi

Senteo xalqaro konsalting kompaniyasi va O‘zbekiston marketing uyushmasi tomonidan O‘zbekiston va Markaziy Osiyoning bos ...


Oxirgi yangilanish sanasi: 12.02.2024 10:37  
up