O‘zsanoatqurilishbank “Euromoney” jurnali mukofotiga sazovor bo‘ldi

“Euromoney” xalqaro yetakchi nashri tomonidan ko‘chmas mulk sohasidagi eng yaxshi moliyaviy tashkilotlarni taqdirlash marosimi bo‘lib o‘tdi. Unda O‘zsanoatqurilishbank “O‘zbekistonning ko‘chmas mulk sohasidagi eng yaxshi banki” nominatsiyasi bo‘yicha mukofotlandi.

Ushbu nufuzli mukofot ipoteka bozorida innovatsiyalarni joriy etish va mijozlarga xizmat ko‘rsatish sifatini yaxshilash bo‘yicha banklarning mahalliy bozordagi yetakchilik mavqeini e’tirof etadi.

Ta’kidlash joiz, so‘nggi yilda bank tizimida ipoteka kreditlari qoldig‘i 11 foizga oshib, jismoniy shaxslarga ajratilgan kredit portfeli qoldig‘ining 60 foizini tashkil etadi.

Bank tizimida Xalqaro moliya korporatsiyasi, Yevropa tiklanish va taraqqiyot banki hamda Osiyo taraqqiyot banki bilan hamkorlikda olib borilgan transformatsiya ishlari, qolaversa kredit portfelining diversifikatsiya qilingani natijasida so‘nggi besh yil ichida bank ko‘rsatkichlari bir necha barobarga o‘sdi.

Chakana biznes bilan bir qatorda kichik va o‘rta biznes segmentlarini rivojlantirishga, xususan, yangi mahsulotlarni joriy qilish, mobil ilovasi imkoniyatlarini kengaytirish hamda barcha biznes jarayonlarni raqamlashtirish va sun’iy intellektni joriy etishga alohida e’tibor qaratildi.

Aytish lozimki, “Euromoney” dunyoning bank, moliya va investitsiya sohalariga ixtisoslashgan yetakchi nashriyotlaridan biri hisoblanadi. Nufuzli jurnal ushbu sohalardagi kompaniyalar faoliyatining ahamiyati va ta’sirini xolisona baholash hamda reytinglash tizimi bilan moliya va media bozorida o‘z nufuzini saqlab kelmoqda.

Bank Axborot xizmati

Orqaga qaytish

1310

Boshqa yangiliklar