Yangiliklar

Oʻzsanoatqurilishbank – “JP Morgan Chase Bank”: vaqt bilan sinalgan sheriklik


02.06.2023

Oʻzsanoatqurilishbank – “JP Morgan Chase Bank”: vaqt bilan sinalgan sheriklik

 

Joriy yilning 1-iyun kuni “JP Morgan Chase Bank” (АQSh) tomonidan Oʻzsanoatqurilishbankka xorijiy valyutada tijorat va banklararo toʻlovlar sifatli oʻtkazilgani uchun “2022 Quality Recognition Award” mukofoti taqdim etildi.

Bu Oʻzsanoatqurilishbankning kliring operatsiyalarini amalga oshirishdagi faoliyatiga berilgan yuqori bahodir.

Maʼlumki, 2022-yil yakunlariga koʼra, Oʻzsanoatqurilishbank xalqaro pul oʻtkazmalari boʻyicha Oʻzbekiston banklari orasida 1-oʻrin egalladi. Bu, oʻz navbatida, muassasa tomonidan xizmat koʼrsatish xalqaro standartlarda yoʻlga qoʻyilganligini, bankning har bir tarmogʻida mijozlarga keng qulayliklar yaratilganligini bildiradi.

“JP Morgan Chase Bank” tomoni Oʻzsanoatqurilishbankni eng ishonchli sherik deb qayd etdi. Bank transchegaraviy toʻlovlarga ishlov berishda tezkorligi bilan ajralib turadi, deya taʼkidlandi.

Maʼlumot uchun: “JP Morgan Chase Bank” – Аmerikadagi yirik moliyaviy xolding. Mamlakat banklari orasida eng katta toʻrtlik qatoriga kiradi. Bosh qarorgohi Nyu-York shahrida joylashgan.

Uning “Quality Recognition Award” mukofoti butun dunyoda АQSh dollarida toʻlovlar va tranzaktsiyalarga ishlov berishda eng yaxshi koʻrsatkichlarga erishgan muvaffaqiyatli bank-korrespondentlarga topshiriladi.

 

Bank Аxborot xizmati





Boshqa yangiliklar

09/21/2023 11:11:58 pm
Jahon banki “yashil” loyihalarga texnik koʻmaklashadi

Joriy yilning 21-sentyabr kuni Oʻzsanoatqurilishbank Bosh ofisida Jahon banki vakillari bilan uchrashuv boʻlib oʻtdi. ...

09/20/2023 10:59:05 am
Oʻzsanoatqurilishbank – ipakchilar hamkori

Tabiiy ipak – yengil sanoatdagi eng qimmatbaho xom ashyolardan biri. Undan tayyorlanadigan matolar ...

09/18/2023 04:52:25 pm
Oʻzsanoatqurilishbank – toza ekologiya tarafdori

16-sentyabr – Butunjahon tozalik kunida Oʻzsanoatqurilishbank xodimlari dunyo koʻngillilari bilan birgalikda gl ...


Oxirgi yangilanish sanasi: 02.06.2023 15:05  
up