Oʻzsanoatqurilishbank Koreya Eksimbanki bilan hamkorlikni kengaytirmoqda

20.06.2024 11:25

Oʻzbekiston va Koreya hamkorligi azaldan yaqin doʻstlik rishtalariga, xalqlarimizning mentaliteti, anʼana va qadriyatlari oʻxshashligiga asoslangan ikki tomonlama aloqalar ustida bunyod etilgan.

Mamlakatlarimiz deyarli 20 yildan buyon strategik sherik boʻlib kelmoqda. Prezidentimiz Shavkat Mirziyoyev hamda Koreya Respublikasi Prezidenti Yun Sok Yolning siyosiy irodasi oʻzbek-koreys hamkorligini kengayishiga kuchli turtki boʻldi.

Bu Oʻzbekiston va Koreya oʻrtasidagi savdo-iqtisodiy hamkorlik koʻrsatkichlarida ham yaqqol koʻzga tashlanmoqda. Xususan, 2023 yil yakunida tovar ayirboshlash hajmi ikki barobar oʻsib, 2,5 milliard dollarga yetdi. Oʻzbekiston iqtisodiyotidagi koreys investitsiyalari hajmi esa 7,5 milliard dollarni tashkil etdi. 

Joriy yilning 13-15 iyun kunlari Koreya Respublikasi Prezidenti Yun Sok Yolning Oʻzbekiston Respublikasiga davlat tashrifi ikki tomonlama hamkorlik munosabatlarning yangi davrini boshlab berdi. 

Davlat tashrifi doirasida Oʻzsanoatqurilishbank va Koreya Eksport-import banki oʻrtasida banklararo kreditlarni muvofiqlashtirish boʻyicha Bosh bitim imzolandi.

Mazkur umumiy qiymati 50 mln. dollar boʻlgan kredit liniyasi koreyalik hamkorlari bilan qoʻshma loyihalarni amalga oshirayotgan mahalliy tadbirkorlar uchun ajratiladi.
Mablagʻlar sanoat yoʻnalishidagi loyihalar, kichik va oʻrta biznes hamda yangi ish oʻrinlarini yaratilishiga qaratilgan loyihalarga yoʻnaltiriladi.

Taʼkidlash kerakki, Bugungi kunda Oʻzsanoatqurilishbank Koreya Eksport-import banki bilan muvaffaqiyatli hamkorlik qilib kelmoqda, banklar birgalikda respublikamiz iqtisodiyoti uchun eksport salohiyatini oshirilishiga qaratilgan umumiy qiymati 47,5 mln. dollarlik loyihalarni moliyalashtirib, 2 mingdan ortiq yangi ish oʻrinlarini yaratilishiga imkoniyat yaratildi.

Bank Axborot xizmati

Boshqa yangiliklar