Oʻzsanoatqurilishbank “Oʻzbektelekom” AKning IPO doirasidagi obuna kampaniyasiga tayyorgarlik koʻrmoqda

“Oʻzsanoatqurilishbank” ATB, “Oʻzmilliybank” AJ va “Portfolio Investments” kompaniyasidan iborat anderrayterlar konsorsiumi “Oʻzbektelekom” AКning IPO doirasidagi obuna kampaniyasiga (Road Show) tayyorgarlik koʻrmoqda.

 
Ayni paytda “Oʻzbektelekom” aksiyadorlik kompaniyasi ustav fondidan 2 foizlik, yaʼni jami 5 542 046 dona qoʻshimcha aksiya chiqarilishini roʻyxatdan oʻtkazildi. Obuna kampaniyasi esa, joriy yil oxirigacha davom etishi kutilmoqda.

 
Oddiy aksiyalar narxi 6 000 soʻmdan 10 000 soʻmgacha boʻlishi kutilmoqda. Emissiyaning taxminiy qiymati 33 mlrd. soʻmdan 55 mlrd. soʻmgacha boʻlgan diapazonga toʻgʻri keladi.

 
Aksiyalarni IPO doirasida joylashtirish rasman bugun, 25-oktyabr kuni “ICTWEEK UZBEKISTAN” forumi doirasida boʻlib oʻtadi.

Bank Axborot xizmati

Orqaga qaytish

1556

Boshqa yangiliklar