Tadbirkorlar bilan uchrashuvlar ochiq va amaliy ruhda o‘tmoqda

O‘zsanoatqurilishbank rahbariyatining tadbirkorlar bilan uchrashuvi Sirdaryo viloyatida ham sermahsul kechdi.

Prezidentimiz raisligida 2024-yil 16-dekabrda mahallalarda aholi bandligini ta’minlash va daromadli qilishga bag‘ishlab o‘tkazilgan yig‘ilishda banklar zimmasiga manzilli vazifalar yuklatildi.

Uchrashuvda tadbirkorlarga ana shu topshiriqlar mazmuni haqida tushuncha berildi.

Hududda bankka biriktirilgan 13 ta mahallaning biznes imkoniyatlarini o‘rganib, yangidan-yangi tadbirkorlik faoliyatlarini ishga tushirishga har tomonlama ko‘maklashish sa’y-harakatlari davom ettirilayotgani ta’kidlandi.

Maqsad – davlatimiz rahbari ko‘rsatmasiga muvofiq, odamlarning g‘oyalari va qobiliyatini loyihalarga aylantirish, dedi bank mutasaddilari.

Qayd etish lozimki, joriy yilda O‘zsanoatqurilishbank tomonidan Sirdaryo viloyatida aholini daromadli mehnat bilan ta’minlachga qaratilgan turli dasturlar doirasida 8800dan ortiq ish o‘rinlari yaratiladi.

Uchrashuvda 30ga yaqin tadbirkorlar qatnashib, ularning aksariyati o‘z faoliyatida duch kelayotgan muammo va to‘siqlarni bartaraf etishga erishdi.

Bank Axborot xizmati

Orqaga qaytish

1820

Boshqa yangiliklar