Yangiliklar

Oʻzsanoatqurilishbank rahbarlari ishga velosipedda kelishda namuna boʻlmoqda


23.09.2021

photo_2021-09-24_12-03-17.jpg  photo_2021-09-24_12-03-15.jpg

22-sentyabr Xalqaro avtomobilsiz kun. Shu munosabat bilan respublikamiz boʻyicha eʼlon qilingan “Avtomobilsiz kun” aksiyasiga Oʻzsanotaqurilishbank tizimida puxta tayyorgarlik koʻrildi.

Soʻnggi yillarda kattayu kichik koʻchalarni toʻldirib harakatlanayotgan mashinalar oqimiga dunyo miqyosida global muammolardan biri sifatida qaralmoqda. Chunki avtotransport vositalari nafaqat sayyoramiz biosferasiga, balki kuniga 3 mingdan ziyod kishi bilan avtohalokat sodir qilib, insoniyatga ham katta zarar keltirmoqda. 

Oʻzbekiston Respublikasi Vazirlar Mahkamasining 2020-yil 19-noyabrdagi “Aholining sogʻlom turmush tarzini qoʻllab-quvvatlash va jismoniy faolligini oshirishga doir qoʻshimcha chora-tadbirlar toʻgʻrisida”gi qaroriga muvofiq, 22-sentyabr Xalqaro avtomobilsiz kun munosabati bilan joriy yildan boshlab ushbu sana respublika boʻyicha “Avtomobilsiz kun” sifatida oʻtkazilishi hamda shu kuni shaxsiy avtomobilda harakatlanishdan ixtiyoriy ravishda voz kechish (maxsus texnikalar, taksi va yetkazib berish hamda tibbiy tez yordam uchun xizmat koʻrsatadigan texnikalar, jamoat transportlari bundan mustasno) tavsiya etildi. 

Oʻzsanoatqurilishbank tomonidan “Green banking” tizimi doirasida ekologiya sofligini taʼminlash, yoʻllardagi xavfsizlikni oshirishga munosib hissa qoʻshish hamda xodimlarning salomatligini mustahkamlash maqsadida qator ishlar amalga oshirilmoqda. 

Xususan, tijorat banklari orasida birinchilardan boʻlib veloturargoh barpo etildi. Xodimlar oʻrtasida “Barchasi ona tabiat va uning muhofazasi uchun!” shiori ostida turli tanlovlar oʻtkazilib, gʻoliblarga aynan velosipedlar sovgʻa qilindi.  

Eʼtiborlisi, haftada bir kun ishga velosipedda kelishni odatlantirishda bank rahbarlari namuna koʻrsatmoqda. 

Bularning bari esa jamoa oʻrtasida avtomobilsiz yurishni ragʻbatlantirishga hissa qoʻshmoqda. 

Taʼkidlash joiz, Bank tizimida “Green banking” loyihasi nafaqat yashil loyihalarni moliyalashtirish, balki aholining turmush tarzini yaxshilash, atrof-muhitni koʻkalashzorlashtirish, mahallalar va kucha-kuylarni obodonlashtirish kabi keng qamrovli chora-tadbirlar doirasida amalga oshirilmoqda.

Bank Axborot xizmati





Boshqa yangiliklar

03/28/2024 06:10:14 pm
Obod yurtning obod banklari

Umumxalq hashari Oʻzsanoatqurilishbankda ham katta uyushqoqlik bilan oʻtkazilmoqda. ...

03/28/2024 06:09:23 pm
Oʼzsanoatqurilishbankning korrupsiyaga qarshi kurashishdagi faoliyati samaradorligi tijorat banklari orasida eng yuqori deb topildi

Korrupsiyaga qarshi kurashish agentligi 2023-yil natijalari boʼyicha davlat idoralarining korrupsiyaga qarshi kurashishd ...

03/28/2024 06:08:28 pm
O’zsanoatqurilishbankda xayriya ko’rgazmasi o'tkazildi

28-mart kuni O’zsanoatqurilishbank Bosh ofisida Markaziy bank, SQB hamda “Sen kuchlisan” loyihasi hamkorligida onkologik ...


Oxirgi yangilanish sanasi: 24.09.2021 12:07  
up