O‘zsanoatqurilishbank tomonidan yirik korxonalar ishchi-xodimlari uchun seminarlar o‘tkazilmoqda

O‘zsanoatqurilishbank tomonidan bank mijozlari bo‘lgan yirik korxonalar ishchi-xodimlari uchun seminarlar tashkil etilmoqda.

Davlatimiz rahbari tomonidan bank xizmatlari ko‘rsatishni xalqaro standartlarda joriy etish bo‘yicha berilgan vazifalar dolzarbligini saqlab kelmoqda. Bank tizimida xizmat hamda mahsulotlar jozibadorligi va ommabopligini oshirish chora-tadbirlari izchil amalga oshirilmoqda.

Shu maqsadda O‘zsanoatqurilishbankning korporativ mijozlarga xizmat ko‘rsatish tarkibiy tuzilmasi negizida korporativ mijozlar va ularning xodimlariga qo‘shimcha qulayliklar yaratish, xizmat ko‘rsatishda yuqori sifat va tezkorlikni ta’minlash maqsadida Korporativ markaz faoliyati yo‘lga qo‘yildi.

Bugungi kunda mazkur markaz mutaxassislari tomonidan korporativ mijozlarning xodimlari uchun joyiga chiqqan holda uchrashuv va seminarlar o‘tkazilib, bank xizmatlari haqida turli taqdimotlar o‘tkazilmoqda.

Chakana bank mahsulotlari, mobil ilovalar va ular orqali bank xizmatlaridan foydalanish xususida batafsil ma’lumotlar berilmoqda.

Orqaga qaytish

1416

Boshqa yangiliklar