Oʻzsanoatqurilishbank Turkiyaning “Aktif banki”da turk lirasida Nostro hisob raqamini ochdi

Oʻzsanoatqurilishbank tomonidan Turkiya Respublikasining “Aktif banki”da turk lirasida Nostro hisob raqami ochildi. Ushbu strategik tashabbus Oʻzbekiston va Turkiya oʻrtasidagi moliyaviy aloqalarni mustahkamlash, transchegaraviy operatsiyalarni soddalashtirish va ikki tomonlama savdo hajmini oshirishga qaratilgan.

Yangi hisob raqami orqali Oʻzsanoatqurilishbank mijozlari uchun qator qulayliklar yaratiladi. Xususan, ularning turk lirasidagi xalqaro toʻlovlari tezkor va arzon amalga oshiriladi.

Bank ushbu muhim qadam orqali oʻzining xorijiy valyutadagi operatsiyalari samaradorligini yanada oshirib, mijozlarga xizmat koʻrsatish sifatini yuqori darajaga olib chiqishni maqsad qilgan.

Muzokaralarda mazkur hamkorlik Turkiya bilan savdo qiluvchi oʻzbekistonlik ishbilarmonlar uchun yangi imkoniyatlar eshigini ochishi va shu orqali ikki davlat oʻrtasidagi savdo-iqtisodiy aloqalarni yanada rivojlantirishga hissa qoʻshishi taʼkidlandi.

Qayd etish joizki, Oʻzsanoatqurilishbank Oʻzbekistondagi yirik banklardan biri sifatida ichki va tashqi bozordagi moliyaviy operatsiyalarda yuqori sifatli xizmat koʻrsatishni taʼminlab kelmoqda.

Bank Axborot xizmati

Orqaga qaytish

1744

Boshqa yangiliklar