Oʻzsanoatqurilishbank «Wood&Co» koʻmagida investorlar bilan navbatdagi uchrashuvni tashkil etdi

Joriy yilning 7-dekabr kuni Oʻzsanoatqurilishbank vakillari «Wood's Winter Wonderland EME Conference» anjumani doirasida investorlar bilan videoaloqa (Investor Call) tarzida oʻtkazilgan navbatdagi uchrashuvda qatnashdi.

Tadbir Markaziy va Sharqiy Yevropadagi yetakchi investitsion kompaniya – «Wood&Co» koʻmagida tashkil etilib, unda “Dunross & Co” (Shvetsiya), “Impera Capital” (Turkiya), “RVX Asset Management” (AQSH), “Stewart Industries Inc.” (AQSH) va “T.Rowe Price Intlernational” (AQSH) xalqaro investitsion va konsalting kompaniyalari vakillari ishtirok etdi.

Uchrashuv doirasida Oʻzsanoatqurilishbank tomonidan Oʻzbekistonda bank-moliya sohasida amalga oshirilayotgan islohotlar, bankning soʻnggi moliyaviy koʻrsatkichlari, uning koronavirus pandemiyasi sharoitida moliyaviy barqarorligini saqlash boʻyicha qabul qilingan preventiv chora-tadbirlari, muassasada xalqaro sifat standartlariga muvofiq transformatsiya jarayonlari, shuningdek, yetakchi chet el moliyaviy institutlar va bank-moliya tashkilotlari bilan hamkorligining joriy holati haqida batafsil maʼlumotlar berildi.

Xorijiy investitsiyaviy hamjamiyat va Oʻzbekistonning ishbilarmon doiralari vakillari oʻrtasida muhim ahamiyatga ega loyihalarni amalga oshirishni jadallashtirish masalalari muhokama etildi.

Oʻtkazilgan onlayn uchrashuv natijasida Oʻsanoatqurilishbankning manfaatdor xalqaro investitsion kompaniyalar va biznes-akseleratorlar bilan ikki tomonlama hamkorligi yanada kengayishi kutilmoqda.

Maʼlumot uchun: “WOOD & Co.” shakllanayotgan bozor iqtisodiyotiga ega mamlakatlarda yetakchi investitsion bank hisoblanib, Sharqiy Yevropa va MDH mamlakatlariga alohida eʼtibor qaratib kelmoqda. Bank 1991-yildan boshlab butun dunyoda keng qamrovli investorlar bazasini yaratdi. Bugungi kunda muassasa oʻz faoliyatini Varshava, Praga, Buxarest, Bratislava, Milan va London shaharlarida joylashgan ofislari orqali amalga oshirib kelmoqda.

Bank Axborot xizmati

Orqaga qaytish

1669

Boshqa yangiliklar