Oʻzsanoatqurilishbank xodimi koronavirus infeksiyasi oqibatida hayotdan koʻz yumdi

“Oʻzsanoatqurilishbank”ning Navoiy viloyati filiali boshqaruvchisi oʻrinbosari Xurshid Iskandarovich Shabonov shifokorlar tomonidan koʻrsatilgan barcha zarur yordamlarga qaramay “COVID-19” infeksiyasi ogʻir kechishi oqibatida 38 yoshida vafot etdi.

X.Shabanov 2020 yil 2 iyul COVID-19 infeksiyasiga namuna topshirgan va unda kasallik tasdiqlangan. Bemor shu kunning oʻzida Navoiy viloyat bolalar yuqumli kasalliklar shifoxonasiga yotqizilgan.

Unga “COVID-19” infeksiyasi ogʻir kechishi tashxisi qoʻyilgan. Kasallik ikki tomonlama zotiljam, nafas yetishmovchiligining 1-2-darajasi asorati bilan kechgan.

Bundan tashqari bemorda gipertoniya 3-daraja, arterial gipertenziya 2. Xavf – III, semizlikning 1-darajasi kabi hamroh kasalliklari boʻlgan. Shuningdek, bemor 2019 yildan buyon gipertoniya kasalligi bilan nazoratda turgan.

6 iyul kuni bemorning ahvoli oʻta ogʻirlashgan hamda mutaxassislar tomonidan konsultatsiya qilinib, davolash jarayoni tegishli mutaxassislar tavsiyasi asosida olib borilgan.

Shunga qaramasdan bemorning ahvoli keskin ogʻirlashgan. Reanimatsiya boʻlimi mutaxassislari tomonidan toʻliq hajmda, standart asosida oʻtkazilgan reanimatsion choralar samara bermagan hamda biologik oʻlim qayd etilgan.

Oʻzsanoatqurilishbank rahbariyati jonkuyar xodim, mehribon ota, gʻamxoʻr farzand Xurshid Iskandarovich Shabonovning bevaqt vafoti munosabati bilan uning oila aʼzolari va yaqinlariga chuqur hamdardlik bildiradi.

Orqaga qaytish

1813

Boshqa yangiliklar