O‘zsanoatqurilishbank Axborot xizmati bayonoti

Joriy yilning 27 yanvar kuni ijtimoiy tarmoqda O‘zsanoatqurilishbank kartasiga ega nogironligi bor pensionerlarning plastik kartasini yangilashda Face ID tizimi nima uchun zarurligi, bu imkoniyati cheklangan shaxslarga murakkablik tug‘dirayotgani haqida murojaat e’lon qilindi.

Mazkur murojaat yuzasidan quyidagilar ma’lum qilinadi:

Jismoniy shaxslarni yuz qiyofasidan (Face ID) identifikatsiya qilish tizimi nafaqat shaxsni tasdiqlovchi hujjat, balki ular xavfsizligini ta’minlovchi ilg‘or yechimlardan biridir.

Bugungi kunda xizmat ko‘rsatuvchi sohalar qatori tijorat banklari, shu jumladan, O‘zsanoatqurilishbank tomonidan Face ID tizimidan samarali foydalanib kelinmoqda.

Shuningdek, O‘zsanoatqurilishbankning mijozlarga xizmat ko‘rsatish standartlarida imkoniyati cheklangan shaxslar uchun qo‘shimcha yengilliklar ko‘zda tutilgan.

Xususan, yuqoridagi murojaatda keltirilgan holatda bank kartasini qayta chiqarish uchun mijozning ishonchli vakili (notarial tasdiqlangan ishonchnoma asosida) yoki bank xodimlarining mijoz yashayotgan yoki davolanayotgan manzilga borgan holda unga arizani shaxsan imzolatishi va dalolatnoma rasmiylashtirishi mumkin.

Orqaga qaytish

1822

Boshqa yangiliklar