Omonatlar bo‘yicha yangi Qonun: jamg‘armalaringiz kafolat ostida

Joriy yilning 18-fevral kuni O‘zbekiston Respublikasining “Banklardagi omonatlarni himoya qilish kafolatlari to‘g‘risida”gi qonuni imzolandi. Unga ko‘ra, endilikda bir bankda bir omonatchining kafolatlangan omonati 200 mln. so‘mni tashkil etadi.

Bu siz uchun nimani anglatadi?

Agar omonatingiz qonun kuchga kirguniga qadar qo‘yilgan bo‘lsa, u miqdoridan qat’iy nazar to‘liq kafolatlanadi.

Yuqoridagi Qonun kuchga kirganidan so‘ng banklarga qo‘yilgan omonatlar 200 mln so‘m yoki undan kam bo‘lsa, to‘liq kafolatlanadi. Ushbu miqdordan oshgan taqdirda esa mijoz va bank o‘rtasida tuzilgan shartnoma bo‘yicha himoyalanadi.

Nima o‘zgardi?

Endilikda kafolat faqat jismoniy shaxslargagina emas, balki yuridik shaxslar, shu jumladan, tadbirkorlar tomonidan jalb qilinayotgan omonatlarga ham tadbiq etiladi.

Kompensatsiya to‘lovining muddati 83 kundan 20 ish kuniga qisqartirildi.

Biroq, uni omonatchi faqat ajratilgan muddat ichida emas, balki o‘zi istagan qulay paytda olishi mumkin.

Qo‘shimcha ma’lumotlarni O‘zbekiston Respublikasi Markaziy bankining rasmiy veb-sayti, finlit.uz portali yoki Omonatlarni kafolatlash agentligining rasmiy saytidan olishingiz mumkin.

Orqaga qaytish

1767

Boshqa yangiliklar