Qurilish materiallari sanoatiga bagʻishlangan xalqaro anjuman oʻtkazildi

Poytaxtimizdagi “Hilton” mehmonxonasida Oʻzbekiston Respublikasi Qurilish va uy-joy kommunal xoʻjaligi vazirligi, “Oʻzsanoatqurilishmateriallari” uyushmasi, Oʻzsanoatqurilishbank va “Ohangaronsement” AJ hamkorligida “Sement, beton ishtab chiqarish va qoʻllashdagi zamonaviy texnologiyalar” mavzuida xalqaro anjuman boʻlib oʻtdi.

Anjumanda Rossiya, Turkiya, Qozogʻiston va Oʻzbekistondan 50 dan ortiq qurilish materiallari ishlab chiqaruvchi tadbirkorlar, yirik qurilish kompaniyalari vakillari hamda xalqaro ekspertlar ishtirok etdi.

Tadbir dasturiga koʻra, sement va beton ishlab chiqarishda jahon tajribasi, yangi texnologiyalar va ishlanmalar, innovatsion loyihalar, shuningdek, respublikamizda ushbu yoʻnalishda faoliyat yuritayotgan sanoat korxonalari haqida maʼlumot berildi.

“Oʻzsanoatqurilishmateriallari” uyushmasi, “AKKERMAN” MCHJ, “Ohangaronsement” AJ, Turkiyaning “CHRYSO” va Rossiyaning “Sintez OKA” kabi etakchi kompaniyalari mutasaddilari tomonidan sement va beton ishlab chiqarish, mahsulotlarning kimyoviy tarkibi, sifati va narx-navosi, marketing hamda logistika masalalari boʻyicha taqdimotli chiqishlar namoyish qilindi.

Anjuman doirasida ishbilarmon doira vakillari uchrashuvi ham boʻlib oʻtdi. Unda hamkorlikdagi loyihalarni amalga oshirish istiqbollari yuzasidan muzokaralar olib borildi.

Bank Axborot xizmati

Orqaga qaytish

1713

Boshqa yangiliklar