SQB mijozlari uchun Turkiyaga pul o'tkazmalari sohasida yangi imkoniyatlar

14.06.2024 18:51

Joriy yilning 11- iyunida “Oʻzsanoatqurilishbank” ATB va Turkiyaning  birinchi litsenziyalangan xalqaro pul oʻtkazmalari tizimi UPT oʻrtasida xalqaro pul oʻtkazmalari sohasida hamkorlik toʻgʻrisida Bosh Kelishuv imzolandi.

Mazkur kelishuv jismoniy shaxslarga Oʻzsanoatqurilishbank tarmoqlarida UPT xalqaro pul oʻtkazmalari tizimi orqali mablagʻlar joʻnatish va qabul qilib olish imkoniyatini yaratadi.

Maʼlumot uchun: Turkiyaning yetakchi global pul oʻtkazish platformalaridan biri boʻlgan UPT xalqaro pul oʻtkazmalari tizimi 2010-yilda tashkil etilgan boʻlib, oʻtgan davr mobaynida Turkiya va xorijiy davlatlarida mashhur tizimga aylanishga erishildi. 

UPT xalqaro pul oʻtkazmalari tizimi Turkiya davlatidagi eng yirik investitsiya banklaridan biri boʻlgan Aktif Bankning shoʻba korxonasidir.

UPT xalqaro pul oʻtkazmalari qoʻshni davlatlarga pul oʻtkazmalari uchun eng kam komissiya taklif etayotgan tizim boʻlib, butun dunyo boʻylab adolatli kurs boʻyicha naqd pul, bank hisobi, debet kartasi va elektron hamyon oʻtkazmalarini taqdim etadi.

Boshqa yangiliklar