Surxondaryoda tadbirkorlar bilan uchrashuv tashkil etildi

O‘zsanoatqurilishbank rahbarilaridan iborat ishchi guruhining tadbirkorlar bilan navbatdagi uchrashuvlari Surxondaryo viloyatida bo‘lib o‘tdi. Uchrashuvlarda Sarosiyo va Jarqo‘rg‘on tumanlaridan yuzga yaqin ishbilarmon doira vakillari ishtirok etdi.

Ochiq muloqotda tadbirkorlar erkin faoliyat yuritishida to‘siq bo‘layotgan ayrim masalalar, jumladan, bank kreditlaridan foydalanishda garov va kafillikka oid, shuningdek, soliq va bojxona bilan bog‘liq yuzaga kelayotgan muammolar bo‘yicha murojaat qilishdi.

Bank mutasaddilari tadbirkorlarning har bir murojaat va takliflarini tinglab, ularni ijobiy hal etish bo‘yicha aniq ko‘rsatmalar berdi.

Bank tomonidan joriy qilingan yangi kredit mahsulotlari hamda onlayn xizmatlar taqdimot qilindi.

Ma’lumot o‘rnida aytish joizki, joriy yilda O‘zsanoatqurilishbank tomonidan Surxondaryo viloyatida 33 mingdan ziyod aholini daromadli mehnat bilan bandligi ta’minlash ko‘zda tutilgan. Shu maqsadda kichik va o‘rta biznesga 343,2 mlrd. so‘m, iqtisodiy dasturlar doirasida esa, 78,6 mlrd. so‘m kredit mablag‘lari ajratiladi.

Bank Axborot xizmati

Orqaga qaytish

1858

Boshqa yangiliklar