Yangiliklar

“Tadbirkorlar maktabi”ga keyingi mavsum uchun talabgor tinglovchilar roʻyxati shakllantirilmoqda


22.06.2022

“Tadbirkorlar maktabi”ga keyingi mavsum uchun talabgor tinglovchilar roʻyxati shakllantirilmoqda

Oʻzsanoatqurilishbank va “Oʻzsanoatqurilishmateriallari” uyushmasi hamkorligida “OʻzqurilishmaterialLITI” MCHJ ilmiy-tadqiqot va injiniring markazi huzurida tashkil etilgan “Tadbirkorlar maktabi”ga navbatdagi mavsum uchun qabul boshlandi.
“Tadbirkorlar maktabi” oʻquv markazida qurilish materiallari ishlab chiqarish sohasida oʻz biznesini boshlash niyatidagi tadbirkorlar, qurilish materiallari ishlab chiqaruvchi korxona va tashkilotlar xodimlari, shuningdek, keng jamoatchilik vakillari oʻz malakalari va koʻnikmalarini oshirishlari mumkin.
Markazda 10 dan ortiq oliy taʼlim muassasalari, ilmiy tadqiqot institutlari bilan oʻzaro hamkorlik oʻrnatilgan boʻlib, bir vaqtning oʻzida 40 nafar tinglovchini qamrab olish imkoniyati mavjud. 
Mashgʻulotlar zamonaviy oʻquv dasturlari va yangi taʼlim metodlari asosida quyidagi 4 ta modulga ajratilgan holda olib boriladi:
– Devorbop qurilish materiallari ishlab chiqarish texnologiyasi;
– issiqlik saqlovchi qurilish materiallari ishlab chiqarish texnologiyasi;
– pardozbop qurilish materiallari ishlab chiqarish texnologiyasi;
– pol qoplamalari va toʻshamalar ishlab chiqarish texnologiyasi. 
72 soatga moʻljallangan kurslar chuqur malaka va koʻnikmaga ega fan nomzodlari, fan doktorlari, professorlar tomonidan oʻtkaziladi. 
Buning uchun oʻquv markazi zarur taʼlim vositalari va oʻquv qurollari bilan taʼminlangan boʻlib, yetarli adabiyotlar fondi ham shakllantirilgan.
Oʻtgan mavsumlarda jami 100 nafarga yaqin tinglovchi oʻz bilim va malakalarini oshirib, maxsus sertifikatga ega boʻldi.
Hozirda “Tadbirkorlar maktabi”ga keyingi mavsum uchun talabgor tinglovchilar roʻyxati shakllantirilmoqda.
Shoshiling! 
Oʻquv kurslari mutlaqo bepul!
Oʻquv markazida viloyatlardagi xohlovchilar uchun online tarzda bilim olish imkoniyati yaratildi.
Manzil: Toshkent shahar, Yakkasaroy tumani, Tafakkur koʻchasi 68-a uy. “Oʻzsanoatqurilishmateriallari” uyushmasi binosi.
Batafsil maʼlumotlar olish uchun +99894 5766900, +99833 5769595, +99871 2549201 telefon raqamlari, q.m.liti2017@mail.ru elektron почтаcи va tadbirkormaktab.uz sayti orqali murojaat qilishingiz mumkin.

  Bank Axborot xizmati




Boshqa yangiliklar

03/28/2024 06:10:14 pm
Obod yurtning obod banklari

Umumxalq hashari Oʻzsanoatqurilishbankda ham katta uyushqoqlik bilan oʻtkazilmoqda. ...

03/28/2024 06:09:23 pm
Oʼzsanoatqurilishbankning korrupsiyaga qarshi kurashishdagi faoliyati samaradorligi tijorat banklari orasida eng yuqori deb topildi

Korrupsiyaga qarshi kurashish agentligi 2023-yil natijalari boʼyicha davlat idoralarining korrupsiyaga qarshi kurashishd ...

03/28/2024 06:08:28 pm
O’zsanoatqurilishbankda xayriya ko’rgazmasi o'tkazildi

28-mart kuni O’zsanoatqurilishbank Bosh ofisida Markaziy bank, SQB hamda “Sen kuchlisan” loyihasi hamkorligida onkologik ...


Oxirgi yangilanish sanasi: 22.06.2022 17:18  
up