“Tadbirkorlar maktabi”ning Nukus filialida oʻquv qizgʻin davom etmoqda

05.10.2023 15:52

“Tadbirkorlar maktabi” oʻquv markazining Nukus filialida qurilish materiallari ishlab chiqarish sohasida ilgʻor taʼlim dasturlari asosida oʻquv kurslari oʻtkazib kelinmoqda.

Markazning Nukus filialida dastlabki mavsumda 30 dan ortiq tinglovchilar tahsil olib, mahalliy va xorijiy professor-oʻqituvchilar koʻmagida qurilish materiallari ishlab chiqarishda zamonaviy bilim va koʻnikmalar olish bilan birga, tarmoqqa doir istiqbolli biznes rejalar yaratish boʻyicha tajriba almashmoqda. 
“Karakalpak sement”, “Nukus polimer”, “Lider gips”, “Nukus evro master” kabi ishlab chiqarish korxonalarida boʻlib, amaliy mashgʻulotlar oʻtamoqda.

Eslatib oʻtamiz, Oʻzsanoatqurilishbank tomonidan tashkil etilgan “Tadbirkorlar maktabi” oʻquv markazida oʻquv kurslari mutlaqo bepul, bitiruvchilarga sertifikatlar taqdim etiladi.

Qoʻshimcha maʼlumot uchun: tadbirkormaktab.uz sayti yoki +99871 254 92 01 (Aloqa markazi).


Bank Axborot xizmati

Boshqa yangiliklar