Yangiliklar

Xalqaro xotin-qizlar kuni bilan tabriklaymiz!

Muhtarama, aziz va munis ayollar! 

Sizlarni chin yurakdan Xalqaro xotin-qizlar kuni bilan samimiy muborakbod etamiz! 

Biz Sizlarda bahor, goʻzallik va nafosat timsolini koʻramiz. Yuzingizdagi tabassum bizlarni yangi yuksak marralarga chorlaydi, gʻayrat va shijoat, qalblarimizga joʻshqinlik ato etadi. Gʻamxoʻrligingiz, mehringiz bilan dunyoni munavvar etasiz. 

Azaldan ayol oilaning charogʻoni, baxti va osoyishtaligi timsoli sifatida etirof etiladi. Bugun biz har birimizga hayot baxsh etgan, bizni dunyoga keltirgan Onamiz oldida bosh egib, shukronalik bilan taʼzim qilamiz.

Xotin-qizlarimiz haqiqiy yuksak kasbiy mahorat, masʼullik va mehnatsevarlikni namoyon etib, jamiyatimiz hayotining barcha sohalarida faol qatnashmoqdalar. Ular davlat va jamiyat boshqaruvi, fan va ishlab chiqarish, sogʻlikni saqlash va taʼlim, madaniyat va xizmat koʻrsatish sohalarida sidqidildan mehnat qilmokdalar. Shuningdek, ayollarimiz fermer va tadbirkor, huquqshunos va hisobchi, quruvchi va qutqaruvchi, jurnalist, psixolog va sportchi boʻlib, oʻzlarining bilim va salohiyatini ishga solmoqda. 

Bugungi bahor nafasi sizlarga bahoriy kayfiyat, yaqinlaringiz eʼtibori va yangi uchrashuvlar quvonchini tuhfa etsin. Sizlarga mustahkam sogʻlik, oilaviy hotirjamlik va cheksiz baxt tilaymiz!

Orqaga qaytish

1291

Boshqa yangiliklar